--------------------------------------------------------------------------------
صاحبنا كان قبل مايلتزم
كل حاجه عنده عادى
وبيعمل كل حاجه غلط
ماهو عادى
بيعرف بنات كتير؟؟؟ ....عادى
بيشرب سجاير والذى منه ؟؟؟...عادى
مابيصليش خالص؟؟؟...عادى
مضيع كل وقته فى حاجات تغضب ربنا؟؟؟...عادى
كله عنده كان عادى
بس اول مالتزم
قرر انه يسيب كل الحاجات دى
مش كده وبس
لأ
ده قرر انه هايعمل طاعات كتييييييييييييي يير
وكتيييييييييييي يييييير اوى
يعنى مثلا
بدل ما انه اكن مابيصليش خالص
قرر انه يصلى الصلوات الخمس فى جماعه
مش كده وبس
لا والاتناشر ركعه السنن المؤكده لازم
مش كده وخلاص
لا ولازم يقوم الليل ب8 ركعات زى الرسول ماكان بيعمل
ومش بأى سور من القرآن
قرر انه يقيم الليل بالسور الكبرى
ومثلا بدل ماكان مابيفتحش المصحف نهائى
قرر انه يختمه كل خمس ايام...
آه...كل خمس ايام
وبقى بيقول لنفسه ايه يعنى تلات ساعات كل يوم قرآن
امنتا كنت بتقعد ترغى فى ودان البنت من دول بالاربع والخمس ساعات
ولا بتمل ولا هى بتقولك كفايه كده
يبقى مش كتير على ربنا 3 ساعات قرآن
وقرر كمان انه بدل ماكنش اساسا بيعرف يكمل صيام رمضان
انه لا هيصوم الصيام اللى الرسول الكريم قال عليه
" صيام اخى داوود ...كاان يصوم يوما ويفطر يوما"
ولما جيت اقوله مش كده يا صاحبى
واحده واحده
قالى لالالالا
ازاى
هو ده يطلع ايه جمب اللى الصحابه كانوا بيعملوه ؟؟؟
سيبنى سيبنى انا ذنوبى كتييييييييييره وعاوز اكفر عنها؟؟؟
المهم سبته
بس المشكله بقى
ان صاحبنا
التزم بالكلام اللى قال عليه فى اول يوم
وتااااااااااااا ااااااااانى يوم
تالت يوم قرأ جزء قرآن واحد
رابع يوم ماصحيش عشان يقوم الليل
خامس يوم ماصمش
يعنى الخلاصه
انه على اخر الاسبوع
او بالكتير بعد 10 ايام من التزامه
كانت رجعت ريما لعادتها القديمه
يمكن مش بيعمل الذنوب اللى كان بيعملها زى البنات والشرب
والذى منه
بس كمان
مابقاش يعمل
ولو عُشر اللى عاهد نفسه عليه قدام ربنا اول مالتزم
بقى سهل انه يفرط فى الصلاه من تانى
وبقى سهل انه يهجر القرآن
وبقى سهل انه مايذكرش ربنا فى كامل يومه
وبقى سهل ..وبقى سهل...وبقى سهل
رجعلى وقعد يتكلم معايا
قاللى تفتكر ايه اللى حصل؟؟؟
ليه همتى قلت؟؟؟
ليه عزيمتى ضعفت؟؟؟
ليه ماعرفتش اكمل؟؟؟
مع انى والله نسى اكون كويس
بس ماقدرتش
تفتكر ليييييييييييييي ييييييه ؟؟؟
ودى كانت اول مشكله من المشكلات اللى قابلت
صاحبنا
اللى لسه ملتزم جديد !!!!
ياريت تساعدوه وتقولولو الحل
منقول
